Respublika Ma’naviyat va ma’rifat markazi tashabbusi bilan 9 may – Xotira va qadrlash kuni arafasida milliy bayrog‘imiz ranglari aks etgan sharaf lentalari tarqatilyapti.

Mamlakatimizning barcha shahar va tumanlaridagi markaziy ko‘chalar, bozor va xiyobonlarda 9 may – Xotira va qadrlash kuni munosabati bilan targ‘ibot aksiyalari tashkil etilmoqda.

Respublika Ma’naviyat va ma’rifat markazining hududiy bo‘lim va bo‘linmalari xodimlari, ziyolilar va faol yoshlar jamoat joylarida yurib, yosh-u qarining ko‘ksiga sharaf lentalarini taqib qo‘yyaptilar.

Avtotransport vositalariga “9 may – Xotira va qadrlash kuni” yozuvi tushirilgan, milliy bayrog‘imiz ranglari jilolangan stikerlar yopishtirib chiqilmoqda.