1995-yildan buyon o‘tkazib kelinayotgan “Avtomobilsiz kun” tadbiri jahon uzra ommalashganiga 23 yil bo‘ldi. 

Bu insonlar o‘rtasida sog‘lom turmush tarzini targ‘ib qilish, atrof-muhit barqarorligini avaylab-asrashda muhim. Shuningdek, tabiatga zaharli gazlar chiqishini imkon qadar kamaytiradi.  

Shu bois ushbu kun doirasida shaxsiy avtomobillarda harakatlanishni kamaytirish, aholi orasida jamoat transportidan va velosipeddan foydalanish, piyoda yurish bo‘yicha ko‘plab tadbirlar o‘tkazilishi borasida ishlar olib borilmoqda.  

Shu munosabat bilan tegishli tashkilotlar hamkorligida 28-aprel kuni ham poytaxtimizda “Avtomobilsiz kun” tadbirlari tashkil etiladi.