Bugun erta tongda professional boksda muvaffaqiyatli faoliyat olib borayotgan hamyurtimiz Murodjon Ahmadaliyev oʻzining navbatdagi jangini oʻtkazdi. AQSHning Nyu-Xempshir shtatida joylashgan Manchester shahrida boʻlib oʻtgan jangda unga qarshi chililik Xose Velaskes ringga koʻtarildi.

Toʻliq, 12 raund davom etgan jangda hakamlarning barchasi 119-109 hisobida hamyurtimiz gʻalaba qozonganligini eʼtirof etishdi. 

Shu tariqa Murodjon oʻziga tegishli WBA va IBF kamarlarini qoʻlida saqlab qoldi.