Osiyo Paralimpiya qoʻmitasi prezidenti Majid Rashid maʼlum qilishicha, yoshlar oʻrtasida 2025-yilgi Paraosiyo oʻyinlari Toshkent shahrida oʻtkaziladigan boʻldi.

Bu musobaqani qabul qilish uchun qitʼamizning bir qator yetakchi davlatlari daʼvogarlik qilishgan edi. Yakunda Osiyo Paralimpiya qoʻmitasi Toshkent shahri nomzodini qoʻllab-quvvatladi.

Eʼtiborlisi, 2025-yilda Toshkent shahri yaqinida Olimpiya shaharchasida yoshlar oʻrtasida IV Osiyo oʻyinlari oʻtkaziladi. Shu paytgacha hech qaysi davlatda yoshlar oʻrtasidagi Osiyo va Paraosiyo oʻyinlari ketma-ket oʻtkazilmagan.