Fargʻona tumanida 2 nafar fuqaro is gazidan zaharlanishi oqibatida vafot etdi. Bu haqida viloyat IIB axborot xizmati xabar qildi.

Maʼlum qilinishicha, 17-noyabr kunidan 18-noyabr kuniga oʻtar kechasi Fargʻona tumani, “Gulshan” MFY, Samo koʻchasidagi uylarning birida istiqomat qiluvchi 62 yoshli X.A (erkak) va birga yashovchi 31 yoshli oʻgʻli X.B yashash xonadonida is gazidan zaharlanish oqibatida hodisa joyida vafot etgan.

Hozirda yuqoridagi holat yuzasidan tergov tezkor guruhi hodisa joyida ishlamoqda, voqea tafsiloti yuzasidan qoʻshimcha ravishda maʼlumot berilishi maʼlum qilingan.