Bugun, 18-noyabr kuni Toshkent viloyati hokimligi majlislar zalida faollar yigʻilishi boʻlib oʻtdi. Bu haqda viloyat hokimligi axborot xizmati xabar berdi.

Yigʻilishda Prezident Administratsiyasi rahbari Zaynilobiddin Nizomiddinov prezident farmoni bilan yigʻilish ishtirokchilarini tanishtirdi.

Unga koʻra, Toshkent viloyati hokimi Davron Hidoyatov lavozimidan ozod etildi.

Ayni paytga qadar Qashqadaryo viloyati hokimi lavozimida faoliyat yuritib kelgan Zoir Mirzayev Toshkent viloyati hokimi vazifasini bajaruvchi etib tayinlandi.