Havo haroratining keskin sovishi tufayli O‘zbekistondagi avtomobillarga tabiiy gaz to‘ldirish shoxobchalariga cheklovlar joriy etilmoqda. Energetika vazirligi axborot xizmatiga ko‘ra, kunning kechki va tungi vaqtlarida shoxobchalar faoliyati cheklanadi.

Qayd etilishicha, har bir viloyat o‘z hududida zapravkalar ishlash vaqtini o‘zi mustaqil ravishda belgilaydi.

"Hurmatli iste’molchilar, vaqtinchalik cheklov choralari havo harorati biroz ko‘tarilgunga qadar davom etadi”, - deyiladi xabarda.

Ta’kidlanishicha, AGTKSH tez orada avvalgi tartibda ishlash rejimiga o‘tadi.