Ijtimoiy tarmoqlar orqali Navoiy viloyati Zarafshon shahrida 40-50 kishini qum bosib qolgani haqida xabarlar tarqaldi.

Favqulodda vaziyatlar vazirligi ushbu holatga munosabat bildirdi. Unga koʻra, Navoiy viloyati Favqulodda vaziyatlar boshqarmasiga ushbu hodisa yuzasidan xabar kelib tushmagan.

“Hozirda viloyat FVB tegishli xizmatlar bilan hamkorlikda oʻrganish ishlarini olib bormoqda. Vakolatli organlar tomonidan qoʻshimcha maʼlumotlar taqdim etiladi”, – deyiladi xabarda.

Eslatib oʻtamiz, avvalroq Kogonda tuproq oʻpirilishi oqibatida 2 kishi halok boʻlgani haqida xabar berilgan edi.