Yangiyer shahrida “Nihol” yoshlar teatr studiyasi faoliyati tashkil etildi.

6-mart kuni ommaga ilk spektakl namoyish etildi. Said Ahmad qalamiga tegishli “Ufq” romani “Nihol” teatri ijodkorlari tomonidan “Zirillama tomonlarda” deb nomlangan spektaklini ommaga namoyish etishdi.

Tomoshabinlar uchun havola etilgan sahna koʻrinishi oilani mustahkamlash, uning baxtli hayot kechirishini taʼminlash, farzandlarni toʻgʻri tarbiyalash kabi muhim masalalarni oʻz ichiga qamrab olgan boʻlib, barchada katta taassurot qoldirdi.

Teatr Yangiyer shahar hokimining 11-yanvar kunidagi Yangiyer shahar Madaniyat boʻlimi qoshida “Nihol” yoshlar teatr studiyasi faoliyatini tashkil qilish toʻgʻrisidagi farmoyishiga asoslanib tashkil etilgan.