Doxa shahrida sport gimnastikasi bo‘yicha Jahon kubogining ikkinchi bosqichi davom etmoqda. Musobaqaning birinchi kunida dastlabki saralash bahslari o‘tkazildi.

Unda Oksana Chusovitina tayanib sakrash dasturida final yo‘llanmasini qo`lga kiritgan. Hamyurtimizning ikki chiqishi jami 12.899 ball bilan baholangan. Bu saralash dasturidagi to‘rtinchi natija bo‘ldi.

Afsuski, Dildora Aripova ikki to‘sin, Abdulaziz Mirvaliev xalqa va erkin mashq, Ravshan Komiljonov erkin mashq, Kotbusda o‘tgan turnir g‘olibi Abdulla Azimovning ot ustidagi chiqishi medallar uchun kurashni davom ettirishga etarli bo‘lmadi. Bugun yana bir qator yo‘nalishlarda saralash bahslari davom etadi.