Ukraina elchisi Mikola Doroshenko bilan uchrashuvda tovar ayirboshlash hajmini oshirish boʻyicha kelishuvga erishildi. Bu haqda Tashqi ishlar vazirligi axborot xizmati xabar berdi. 

Xabarga koʻra, 16-fevral kuni tashqi ishlar vaziri oʻrinbosari Bahromjon Aʼloyev Ukrainaning favqulodda va muxtor elchisi Mikola Doroshenkoni qabul qildi. Oʻzbekiston—Ukraina hamkorligining turli sohalardagi dolzarb masalalari muhokama qilindi.

Shuningdek, oʻzaro tovar ayirboshlash hajmini oshirish va madaniy-gumanitar aloqalarni rivojlantirish boʻyicha birgalikdagi saʼy-harakatlarni davom ettirish boʻyicha kelishuvga erishildi.