2023-yil 15-fevral kuni Namangan tumanida joylashgan choʻyan quyish sexidagi parogenerator (avtolav) da par bosimi ortib ketishi tufayli portlash sodir boʻlgan.

Oqibatda, ushbu sexda ishlayotgan 1 nafar ishchi tan jarohati olgan, 2 nafari hodisa joyida vafot etgan.

Bosh prokuratura matbuot kotibining maʼlum qilishicha, mazkur holat yuzasidan Jinoyat kodeksining 257-moddasi 2-qismi “a” bandi (Mehnatni muhofaza qilish qoidalarini buzish) bilan jinoyat ishi qoʻzgʻatilgan hamda Namangan tuman IIB huzuridagi Tergov boʻlinmasi tomonidan tergov harakatlari olib borilmoqda.