Ijtimoiy tarmoqlarda Toshkent viloyatida ayol o‘z farzandlari ko‘z oldida zo‘rlangani bo‘yicha xabarlar tarqaldi.

Ma’lumotlarga ko‘ra, Boʻstonliq tumanida 4 nafar erkak 39 yoshli ayolni zoʻrlab, uni ayovsiz kaltaklagan.

Bosh prokuraturaning xabar berishicha, 2022-yil 28-dekabr kuni Toshkent viloyati, Boʻstonliq tumanida yashovchi 39 yoshli ayol zoʻrlanganligi holati yuzasidan Jinoyat kodeksining 118 (Nomusga tegish) va 119-modda (Jinsiy ehtiyojni zoʻrlik ishlatib gʻayritabiiy usulda qondirish)lar bilan jinoyat ishi qoʻzgʻatilgan. 

Jinoyat ishi doirasida 4 (toʻrt) nafar shaxsga nisbatan “qamoqqa olish” ehtiyot chorasi qoʻllanilgan.

Boʻstonliq tumani IIB huzuridagi Tergov boʻlimi tomonidan tergov harakatlari olib borilmoqda.

Tergov jarayoni Toshkent viloyati prokuraturasi tomonidan nazoratga olingan, deyiladi xabarda.