Bir muddat avval “Samarqand” xalqaro aeroportida parvozlar vaqtinchalik toʻxtatilgani haqida xabar berilgan edi. Aeroportda yangi aerodrom kompleksi va yangi aeronavigatsiya uskunalarini foydalanishga tayyorlash bilan bogʻliq ishlar davom ettirilayotgani munosabati bilan yopilish joriy yilning 15-dekabriga qadar uzaytiriladi. Bu haqida “Uzbekistan airports” AJ matbuot xizmati maʼlum qildi.

Qayd etilishicha, barcha aviareyslar respublikaning boshqa xalqaro aeroportlariga – “Navoiy”, “Buxoro”, “Qarshi” aeroportlariga yoʻnaltiriladi. Aeroportda Samarqandda 2022-yilda boʻlib oʻtadigan SHHT sammitiga tayyorgarlik doirasida yangi aerodrom kompleksi qurilishi davom etmoqda.