Qozogʻiston fuqarolari tugʻilganda hisob raqamlarini ochish dasturini ishga tushiradi. Hisob varaq tugʻilganda avtomatik ravishda ochiladi va har yili tabiiy resurslarni qazib olishdan olingan mablagʻlar hisobidan toʻldiriladi. Voyaga etganidan keyin ular uy-joy yoki taʼlimga sarflanishi mumkin.

“Bolalar milliy jamgʻarmasi” loyihasi doirasidagi jamgʻarma hisob raqamlari bola tugʻilgandan soʻng darhol avtomatik tarzda ochiladi, deb maʼlum qildi Qozogʻiston moliya vaziri oʻrinbosari Dauren Temirbekov.

Shaxsiy hisob varaqlar uchun mablagʻlar Qozogʻiston Milliy jamgʻarmasi, 2001-yildan beri mavjud boʻlgan va tovar-xomashyo sektoridan toʻldiriladigan davlat fondidan tushadi. Xuddi shunday model Norvegiya davlat pensiya jamgʻarmasi tomonidan qoʻllaniladi.