YPX inspektorlari tomonidan pnevmatik qurol olib yurgan haydovchi aniqlandi.

2023-yil 12-fevral kuni soat 01:30 larda, Shayxontohur tumaniga xizmatga jalb qilingan YPX inspektorlari kichik serjant J.Temirov, safdor Q.Z.Zikirovlar tomonidan Laylitugʻon koʻchasi boʻylab harakatlanib kelayotgan haydovchi 2002-yilda tugʻilgan N.T. boshqaruvidagi KIA rusumli avtomobil toʻxtatilgan.

Hujjatlari tekshirish davomida, haydovchining oʻzini tutishi YPX inspektorlarida shubha uygʻotgan, xolislar ishtirokida haydovchi koʻzdan kechirilganda qoʻl sumkasi ichidan pnevmatik qurol topilgan.

Maʼlum qilinishicha, tegishli hujjatlar rasmiylashtirilib, fuqaro hamda aniqlangan pnevmatik qurol Shayxontohur tumani IIO FMB ga topshirilgan.