2021-yilning 13-noyabr kuni Moskva viloyatining Solnechnogorsk shaharchasida joylashgan quruvchilarning vaqtincha turar joyida yongʻin kelib chiqqan.

Yongʻin oqibatida shu yerda yashab kelgan mehnat migrantlarining 2 nafari jarohat olgan va 4 kishi vafot etgan, deya xabar bermoqda Tashqi mehnat migratsiyasi agentligi axborot xizmati.

Vafot etganlarning shaxsiga aniqlik kiritilganda ularning barchasi Oʻzbekiston fuqarolari (Sh.A. 1969-y.t., E.U. 1998-y.t., Sh.K. 1987-y.t., A.R. 1998-y.t.) ekanligi aniqlangan. Ayni vaqtda Tashqi mehnat migratsiyasi tomonidan holat nazoratga olinib, vafot etgan yurtdoshlarimiz jasadlarini Vatanga qaytarish choralari koʻrilmoqda.