Bugun, 8-fevral kuni prezident Shavkat Mirziyoyev Toshkent shahrida joylashgan qator obyektlarga tashrif buyuradi. Bu haqda prezident matbuot xizmati xabar berdi.

Taʼkidlanishicha, davlat rahbari yerusti metrosini qurish loyihasining ikkinchi bosqichi doirasida amalga oshirilayotgan ishlar bilan tanishadi.

Prezident transformatorlar ishlab chiqarish korxonasiga tashrif buyurishi rejalashtirilgan.

Shuningdek, masʼullar va jamoatchilik vakillari ishtirokida dolzarb masalalarni muhokama qilish ham kutilyapti.