Prezident qarori bilan Sanitariya-epidemiologik osoyishtalik va jamoat salomatligi qoʻmitasiga rais tayinlandi. Shuningdek, Statistika agentligi va Raqobatni rivojlantirish va isteʼmolchilar huquqlarini himoya qilish qoʻmitasi rahbarlariga oʻrinbosarlar tayinlandi.

Bahodir Yusupaliyev SSV huzuridagi Sanitariya-epidemiologik osoyishtalik va jamoat salomatligi qoʻmitasi raisi lavozimiga tayinlandi;

Anvar Alimov boshqa ishga oʻtishi munosabati bilan sogʻliqni saqlash vazirining oʻrinbosari — Toshkent shahar sogʻliqni saqlash bosh boshqarmasi boshligʻi lavozimidan ozod etildi.

Prezident qarori bilan Agzam Ikramov va Zohidjon Ziyayev Prezident huzuridagi Statistika agentligi direktorining oʻrinbosarlari etib tayinlandi.

Prezident qarori bilan Asadulla Qayumov va Farrux Qoraboyev Raqobatni rivojlantirish va isteʼmolchilar huquqlarini himoya qilish qoʻmitasi raisining oʻrinbosarlari etib tayinlandi.