Bugun Tibbiyot xodimlari kuni. Shu munosabat bilan Prezident Shavkat Mirziyoyev farmoniga koʻra bir guruh tibbiyot xodimlari yuksak davlat mukofotlari bilan taqdirlandi.

Mukofotlarni Oliy Majlis Senati Raisi Tanzila Norboyeva oʻz egalariga topshirdi.

Tibbiyot xodimlarini tabriklash uchun Sogʻliqni saqlash vaziri Behzod Musayev soʻzga chiqdi, deya xabar bermoqda vazirlik axborot xizmati.

Shuningdek, tadbirda Madaniyat vaziri Ozodbek Nazarbekov shifokorlarga bagʻishlangan yangi qoʻshigʻini ijro etgan. 

Sogʻliqni saqlash vaziri Behzod Musayev Ozodbek Nazarbekovga shifokorlarga bagʻishlab yaratgan yangi qoʻshigʻi uchun tibbiyot xodimlari nomidan minnatdorlik bildirdi, deyiladi vazirlik xabarida.