Tata Steel Chess 2023. Nodirbek Abdusattorov soʻnggi turdagi magʻlubiyat sabab musobaqani 2-oʻrinda yakunladi. Javohir Sindorov oʻz guruhida uchlikka kirdi

Saqlash
09:01 / 30.01.2023 950 0

Niderlandiya mezbonligida oʻtgan Tata Steel Chess 2023 musobaqasida soʻnggi tur bahslari 29-yanvar, yakshanba kuni boʻlib oʻtdi.

 

Masters turnirida ishtirok etgan Nodirbek Abdusattorov 13-turda mezbon shaxmatchi Yorden van Forestga qarshi dona surdi. Oq donalarda harakat qilgan Nodirbek magʻlubiyatga uchradi va 8 ochko (4 gʻalaba, 8 durang, 1 magʻlubiyat) bilan musobaqani ikkinchi oʻrinda yakunladi.

 

8,5 ochko bilan Anish Giri musobaqa gʻolibiga aylandi. Musobaqa davomida Abdusattorovga magʻlub boʻlgan amaldagi jahon chempioni Magnus Karlsen (8) esa kuchli uchlikdan joy oldi.

 

Javohir Sindorov esa soʻnggi turda niderlandiyalik Tomas Berdsenni magʻlubiyatga uchratishga muvaffaq boʻldi. Ushbu gʻalabadan soʻng Sindorov ochkolarini 8.5 taga yetkazib oldi va Chellenjer guruhida 3-oʻrinni qoʻlga kiritdi.

Izoh yo‘q

Izoh qoldirish