Shaxmat boʻyicha Niderlandiyada Tata Steel Chess 2023 musobaqasi davom etmoqda.

Musobaqaning 25-yanvar kungi oʻyinlarida Masters bosqichida ishtirok etayotgan Nodirbek Abdusattorov xitoylik Liren Ding bilan durang oʻynadi va 7 ochko bilan peshqadamlikni davom ettirmoqda.

Challengers guruhi gʻolibligi uchun kurashayotgan Javohir Sindorov esa 10-turda niderlandiyalik Ervin LʼAmiga qarshi dona surdi va murosa koʻchasini tanladi. Ushbu natijadan keyin Javohir ochkolari sonini 6,5 ochkoga yetkazdi, u turnir jadvalida 3-oʻringa koʻtarilib oldi.