Surxondaryo viloyatining toʻrt tumaniga yangi hokim tayinlandi.

Shuhrat Nazarov Termiz tumani hokimi lavozimiga tayinlandi. Tayinlovga qadar u Chirchiq shahar Davlat soliq inspeksiyasi boshligʻi lavozimida faoliyat yuritgan;

Qosim Mardonov Angor tumani hokimi lavozimiga tayinlandi. Bungacha u Vazirlar Mahkamasi Hududlarni kompleks rivojlantirish, kommunikatsiyalar, qurilish va uy-joy kommunal xoʻjaligi masalalari kotibiyatining Qashqadaryo va Fargʻona viloyatlari boʻyicha bosh mutaxassisi lavozimida ishlab kelayotgan edi;

Elmurod Avazov Jarqoʻrgʻon tumani hokimi lavozimiga tayinlandi. Bunga qadar u Iqtisodiy taraqqiyot va kambagʻallikni qisqartirish vazirligida faoliyat yuritgan.

Abdurashid Ismoilov Muzrabot tumani hokimi lavozimiga tayinlandi. Tayinlovga qadar u Muzrabot tumani hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari lavozimida faoliyat yuritgan.