Oʻzbekiston Respublikasi Prezidenti Shavkat Mirziyoyev Qirgʻiz Respublikasi Prezidenti Sadir Japarovning taklifiga binoan 26-27-yanvar kunlari davlat tashrifi bilan Qirgʻizistonda boʻladi.

Ikki mamlakat yetakchilarining uchrashuvlari Bishkek shahrida boʻlib oʻtadi.

Oliy darajadagi muzokaralar kun tartibidan Oʻzbekiston-Qirgʻiziston doʻstlik, yaxshi qoʻshnichilik va strategik sheriklik munosabatlarini yanada mustahkamlash masalalarining keng doirasi oʻrin olgan.

Oʻzaro savdoni koʻpaytirish, sanoat kooperatsiyasi dasturlarini qoʻllab-quvvatlash va mintaqaviy infratuzilma loyihalarini ilgari surishga alohida eʼtibor qaratiladi.

Sammit yakunida ikki tomonlama hujjatlarning salmoqli toʻplamini qabul qilish koʻzda tutilgan.