Statistika agentligi 2022-yilning yanvar-dekabr oylarida Oʻzbekiston importida yuqori ulushga ega boʻlgan hamkor davlatlar toʻgʻrisida maʼlumot berdi.

Taqdim etilgan maʼlumotlariga koʻra, ortda qolgan davr mobaynida 6,4 mlrd AQSH dollari ulush bilan Xitoy 1-oʻrinni egalladi. Kuchli uchlikdan mos ravishda Rossiya (6,2 mlrd dollar) va Qozogʻiston (3,2 mlrd) joy oldi.

Shuningdek, Turkiya va Koreyada ham bu ulush yuqoriligi qayd etilgan.

2022-yilning yanvar-dekabr oylarida Oʻzbekiston importida yuqori ulushga ega boʻlgan hamkor davlatlar:

Xitoy – 6,4 mlrd AQSH dollari;

Rossiya – 6,2 mlrd;

Qozogʻiston – 3,2 mlrd;

Koreya – 2,3 mlrd;

Turkiya – 1,7 mlrd;

Germaniya – 1,1 mlrd;

Turkmaniston – 732 mln;

Hindiston – 655 mln;

Braziliya – 553 mln;

Belarus – 410 mln.