Oʻzbekiston Saudiya Arabistoni Podshohligi bilan bojxona ishlarida hamkorlik qiladi

Saqlash
11:01 / 24.01.2023 888 0

“Xalqaro shartnomani tasdiqlash toʻgʻrisida”gi Prezident qarori qabul qilindi.

 

Qarorga muvofiq, Oʻzbekiston hamda Saudiya Arabistoni Podshohligi Hukumati oʻrtasida bojxona ishlarida hamkorlik va oʻzaro yordam toʻgʻrisidagi bitim tasdiqlandi.

 

Mazkur bitim 2022-yil 17-avgust kuni Jidda shahrida imzolangan.

 

Adliya vazirligi axborotiga koʻra, bojxona qoʻmitasi ushbu xalqaro shartnomani amalga oshirish uchun masʼul boʻlgan vakolatli organ etib belgilandi.

 

Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirganidan keyin Oʻzbekistonning majburiyatlari bajarilishini taʼminlaydi.

Izoh yo‘q

Izoh qoldirish