O‘zbekiston xalq yozuvchisi Odil Yoqubovning "Ulug‘bek xazinasi" asari Yaponiyada chop etildi. Qayd etish lozimki, Odil Yoqubov asarlari dunyoning 90 tiliga tarjima qilingan. 

Yozuvchi “Ulug‘bek xazinasi” romanini 1974-yilda yozgan. Unda ulug‘ ajdodimiz, buyuk astronom olim Ulug‘bek va uning o‘g‘li Abdullatif o‘rtasidagi ziddiyatlarni ko‘rsatib, ezgulik va yovuzlik o‘rtasidagi kurashni tasvirlagan. Romanda Ulug‘bekning iste’dodli shogirdi, mashhur olim Ali Qushchining ham ulug‘vor obrazi yaratilgan.

Odil Yoqubov ushbu roman uchun Respublika Davlat mukofotiga sazovor bo‘lgan.