Joriy yilning 9-yanvar kuni Oʻzbekiston hududiga Volgaboʻyi hududlaridan Rossiya Yevropa qismining shimoliy hududlarida shakllangan sovuq havo massasi kirib kelishi boshlanadi.

9-11-yanvarda Oʻzbekistonning katta qismida yogʻingarchilik (yomgʻir, qor) boʻladi. Togʻ oldi va togʻli hududlarda qor yogʻadi, baʼzi joylarda kuchli boʻladi.

9-10-yanvarda baʼzi joylarda shamol 15-20 m/s gacha kuchayishi mumkin.

10-15-yanvarda respublika boʻyicha anomal sovuq ob-havo boʻlishi kutilmoqda. Havo harorati kechalari -12-17 sovuqqacha, kunduz kunlari -5-8 daraja sovuqqacha;

shimolda kechalari -17-22 sovuqqacha, Ustyurtda va choʻl hududlarda baʼzi joylarda -25-27 daraja sovuqqacha, kunduz kunlari 7-10 daraja sovuqqacha;

janubda va Fargʻona vodiysida kechalari -5-10 sovuqqacha, kunduz kunlari -2-5 daraja sovuqqacha pasayadi.

Yoʻllarda baʼzi joylarda yaxmalak yuzaga keladi.