Toshkent shahri Shayxontohur tumanidagi 9 ta hududi vaqtincha gaz taʼminotidan uziladi. Bu haqda tuman hokimligi xabar tarqatdi.

Taʼkidlanishicha, Ibn Sino mavzesi Beltepa koʻchasidan oʻtgan oʻrta bosimli gaz quvurida nosozlik yuzaga kelgani bois 2023-yil 5-yanvar soat 10:00 dan 19:00 ga qadar Shayxontohur tumanining quyidagi mahallalarida gaz taʼminoti toʻxtatiladi:

Beltepa koʻchasidagi 23 ta koʻp qavatli uy;

Ibn Sino mavzesidagi 13 ta koʻp qavatli uy;

Jarariq mavzesidagi 21 ta koʻp qavatli uy;

Mingtepa koʻchasidagi 4 ta koʻp qavatli uy;

“Yangi Jarariq” mahallasidagi 900 ta xonadon;

Oqibat koʻchasidagi 150 ta xonadon;

Uygʻun koʻchasidagi 150 ta xonadon;

“Ipakchilik” mahallasidagi 140 ta xonadon.

Shuningdek, 8 ta novvoyxona, 14 ta ovqatlanish shoxobchasi, 8 ta ishlab chiqarish korxonasi hamda 4 ta MTTda ham gaz taʼminoti vaqtincha toʻxtatiladi. 3-Issiqlik markazida ham gaz bosimi meʼyoridan past boʻlishi qoʻshimcha qilingan.