Bugun, 10-noyabr kuni Respublika Ma’naviyat va ma’rifat markazida “Yangi O‘zbekiston Uchinchi Renessans ostonasida” nomli kitob taqdimoti bo‘lib o‘tdi.

Unda  Toshkent shahridagi oliy ta’lim muassasalari rektorlari, Respublika tarixchi, faylasuf, adabiyotshunos, iqtisodchi olimlar, san’at namoyondalari, Respublika Ma’naviyat va ma’rifat markazi xodimlari matbuot va OAV vakillari ishtirok etdilar.

Anjumanni Respublika Ma’naviyat va ma’rifat markazi rahbari, senator Minhojiddin Hojimatov ochib, yig‘ilganlarni bugungi tadbirning maqsad va vazifalari bilan tanishtirdi. Shundan so‘ng yig‘ilganlar asar haqdagi mulohazalari va xulosalari bilan o‘rtoqlashdilar.

Kitob iqtisod fanlari doktori, O‘zbekistonda xizmat ko‘rsatgan iqtisodchi, senator Murtazo Rahmatov hamda akademik, biologiya fanlari doktori, professor Bakridin Zaripov hammuallifligida chop etilgan. Asar keng kitobxonlar auditoriyasiga mo‘ljallangan.