Kecha, 28-dekabr kuni “Kinochilar uyi” kinoteatrida Kinematografiya agentligi hamda Oʻzbekiston Kinoarboblari ijodiy uyushmasi hamkorligida Milliy kinematografiyani rivojlantirish markazi tomonidan “Oltin Humo” milliy kinotaqdimoti oʻtkazildi.

Tantanali tadbirda 2021-yilning 1-yanvaridan 2022-yilning 1-oktyabriga qadar premyerasi boʻlib oʻtgan filmlar turli nominatsiyalar boʻyicha taqdirlandi. Oyina.uz fotomuxbirlari tantanali tadbirdan fotoreportaj tayyorladi.

“Oltin Humo” III milliy mukofotining 2022-yilgi gʻolib va sovrindorlari bilan tanishing:

Eng yaxshi hujjatli film — “Matonat”

Rejissyor: Shuhrat Mahmudov;

Hujjatli va xronikal filmlar studiyasi mahsuloti.

Eng yaxshi animatsion film — «Buyuk ipak yoʻli boʻylab sayohat»

Rejissyor: Abdulatif Haydarov;

“ASTIR ANIMATION STUDIO” va “BEGIM” kinostudiyasi mahsuloti.

Eng yaxshi kompyuter grafikasi — Davlat Arabshoyev

“Abdulla Qodiriy” hujjatli filmidagi ishi uchun;

Eng yaxshi kino bastakori — Dmitriy Yanov-Yanovskiy

“Tutqunlik” badiiy filmidagi ishi uchun;

Eng yaxshi ovoz rejissyori — Abduqahhor Karimov

“Muhabbat bahori” filmidagi ishi uchun;

Eng yaxshi montaj ishi — Xurshid Alixoʻjayev

“101 reys” badiiy filmidagi ishi uchun;

Eng yaxshi grim rassomi — Galina Ivanova

“Muqimiy” badiiy filmidagi ishi uchun;

Eng yaxshi libos boʻyicha rassom ishi — Anastasiya Sushuk

“Muqimiy” badiiy filmidagi ishi uchun;

Eng yaxshi rassom ishi — Alisher Umrzoqov

“Muqimiy” badiiy filmidagi ishi uchun;

Eng yaxshi ssenariy — Zulfiqor Musoqov

“Hayrat” badiiy filmidagi ishi uchun;

Eng yaxshi operatorlik ishi — Azizbek Arzikulov

“Hayrat” badiiy filmidagi ishi uchun;

Eng yaxshi rejissyorlik ishi — Zulfiqor Musoqov

“Hayrat” badiiy filmidagi ishi uchun;

Eng yaxshi ayol roli — Raʼno Shodiyeva

“Ayol qismati” badiiy filmidagi roli uchun;

Eng yaxshi erkak roli — Hoshim Arslonov

“101 reys” badiiy filmidagi roli uchun;

Yilning eng yaxshi filmi — “Ayol qismati”;

“DILSHOH MEDIA” kinostudiyasi mahsuloti;

Rejissyor: Dilmurod Masaidov.

Tomoshabin mehrini qozongan film — “Baron-2”;

Rejissyor: Rustam Saʼdiyev.

Shuningdek, Oʻzbek kinematografiyasiga qoʻshgan hissasi uchun maxsus mukofoti bilan:

Yoqub Ahmedov,

Oʻzbekiston xalq artisti;

Hamidulla Akbarov,

Oʻzbekistonda xizmat koʻrsatgan yoshlar murabbiysi;

Joʻra Teshaboyev,

Oʻzbekistonda xizmat koʻrsatgan sanʼat arbobi;

Bektulu Nizomitdinov,

Kinematografiya Agentligi hududiy boʻlimi rahbari;

Baxtiyor Madiyorov,

«Qoraqalpoqfilm» kinostudiyasi direktori taqdirlandi.

Gʻoliblarga “Oltin Humo” maxsus statuetkasi hamda 25 mln soʻm miqdorida pul mukofoti beriladi.

Foto: Xolida Musulmonova, 

Abdumannon Muhammad