Xorazm viloyati sobiq hokimi Farhod Ermanovning senatorlik vakolati muddatidan avval tugatildi. Bu haqda OʻzA xabar bermoqda.

Oliy Majlis Senati aʼzosi Farhod Ermanov Qoraqalpogʻiston Respublikasi Joʻqorgʻi Kengesi qaroriga asosan Qoraqalpogʻiston Respublikasi Vazirlar Kengashining raisi lavozimiga tayinlangani munosabati bilan uning yozma arizasiga koʻra, senatorlik vakolati muddatidan ilgari tugatilgan.

Ermanov avvalroq Xorazm viloyati hokimi lavozimidan ozod qilingandi. Uning oʻrniga Qoʻshkoʻpir tumani hokimi lavozimida ishlab kelgan Joʻrabek Rahimov Xorazm viloyati hokimi vazifasini bajaruvchi etib tayinlangandi.