Ijtimoiy tarmoqlarda Olmaliq shahri buyum bozorida shahar mudofaa ishlari boʻlimi boshligʻi Fayoz Sirochev deyilayotgan shaxsning ayol kishiga qoʻl koʻtargani haqida xabarlar tarqaldi.

Mudofaa vazirligi axborot va ommaviy kommunikatsiyalar departamenti mazkur holat yuzasidan izoh berdi.

Maʼlum qilinishicha, hozirda Toshkent harbiy okrugi qoʻmondonligi va Harbiy prokuratura mazkur holat yuzasidan surishtiruv ishlarini boshlagan. Tekshiruv natijasi yuzasidan qoʻshimcha xabar beriladi.

Holat Mudofaa vazirligi tomonidan nazoratga olingan.