Prezident Shavkat Mirziyoyevning Oliy Majlis va Oʻzbekiston xalqiga Murojaatnomasi davom etmoqda.

“Biz, bu yil tariximizda ilk bor pensiya va ijtimoiy nafaqalar miqdorini minimal isteʼmol xarajatlaridan kam boʻlmagan darajaga olib chiqdik.

Misol uchun, 2017-yilda kam taʼminlangan 500 ming oila ijtimoiy yordam olgan boʻlsa, bugunga kelib 2 milliondan ortiq oilalarga koʻmak berilmoqda.

Ajratilayotgan mablagʻlar esa, 7 baravar koʻpaytirilib, yiliga 11 trillion soʻmga yetdi.

Biz ish haqi, pensiya va nafaqalar miqdorini, aholi jon boshiga daromadlarni oshirish siyosatini izchil davom ettiramiz.

Har bir raqam ortida mashaqqatli mehnat yotibdi”, – dedi Shavkat Mirziyoyev.

Shuningdek, davlat rahbari oxirgi olti yilda, mamlakatimiz boʻyicha qariyb 300 mingta yoki avvalgi yillarga nisbatan 10 barobar koʻp uy-joylar qurilganini maʼlum qildi.