Samarqand viloyati Narpay tumanida bir oila vakillari is gazidan vafot etdi. Bu haqda “Kun.uz” xabar bermoqda.

Qayd qilinishicha, 2021-yil 22-oktyabr kuni Narpay tumani Narpay mahallasida yashovchi fuqaro J.S., uning turmush oʻrtogʻi va 2 nafar farzandi yashash uyida tashqi tomonidan tan jarohatlarsiz jonsiz holatda topilgan. Dastlabki tekshiruvda ularning is gazidan vafot etgani aniqlangan.

Hodisa yuzasidan Narpay tuman prokuraturasi tomonidan Jinoyat kodeksining 259-moddasi 2-qismi “a”,“b” bandi bilan jinoyat ishi qoʻzgʻatilgan. Jinoyat ishi tergov harakatlarni oʻtkazish uchun Narpay tuman IIBga yuborilgan.