Yoʻl taʼmirlash ishlari olib borilishi sababli 7-noyabr kunidan 17-noyabr kuniga qadar Ahmad Donish koʻchasining Amir Temur shohkoʻchasi kesishmasidan Nurafshon koʻchasigacha boʻlgan oraligʻidagi ikki tomonlama yoʻlning bir tomoni qisman vaqtinchalik yopilishi maʼlum qilindi.

Shu bois ushbu yoʻnalishdan oʻtuvchi bir qator avtobuslar harakatida 17-noyabrgacha vaqtinchalik tirbandliklar yuzaga kelishi mumkin. Bu haqda «Toshshahartransxizmat» matbuot xizmati xabar berdi.

5, 43, 51, 82, 83, 123, 124-sonli avtobus yoʻnalishlarining harakatida vaqtinchalik tirbandliklar yuzaga kelishi mumkinligi maʼlum qilindi.