Taʼmirlash ishlari sabab ertaga Toshkent shahrining M.Gʻafurov koʻchasida transport harakati vaqtincha cheklanadi. Bu haqda shahar hokimligi axborot xizmati xabar berdi.

Qayd qilinishicha, yoʻl taʼmirlash ishlari olib borilishi munosabati bilan 6-noyabr kuni soat 07:00dan 10-noyabr kuni soat 20:00 ga qadar Chilonzor tumanidagi M.Gʻafurov koʻchasida transport vositalarining harakatlanishi vaqtincha cheklanadi.

Poytaxt hokimligi haydovchilardan aylanma yoʻllardan foydalanishlarini soʻraydi.