“OLX.uz” platformasida toza havo sotilishi haqida eʼlon paydo boʻldi. Eʼlonga koʻra, shishaga solingan toza havo sotiladi.

Toza havo sotuvchilari poytaxtdagi changli tuman tufayli ularni sotib olish vaqti kelgan deya hisoblashmoqda. Bitta shisha havoning narxi 20 ming soʻm.

Oyina.uz muxbiri eʼlon mualliflari bilan mijoz sifatida bogʻlandi. Sotuvchilar haqiqatan havo sotilayotgani va ayni vaqtda tugab qolgani, mahsulot bir kun ichida yetkazib berilishi haqida gapirgan.