Shavkat Mirziyoyev 6-noyabr kuni Qonunchilik palatasi va Senatning prezident lavozimiga kirishishga bagʻishlangan qoʻshma majlisida ishtirok etadi. Bu haqida Oliy Majlis Qonunchilik palatasi matbuot xizmati xabar berdi.

Qayd etilishicha, Oʻzbekiston Respublikasi Oliy Majlisi Qonunchilik palatasi va Senatining Oʻzbekiston Respublikasi saylangan Prezidentining lavozimiga kirishishiga bagʻishlangan qoʻshma majlisi 6-noyabr kuni soat 11:00 da Toshkent shahrida Oʻzbekiston Respublikasi Oliy Majlisi Senatining yangi binosi katta majlislar zalida boʻlib oʻtadi.