Surxondaryoda 100 ming dollarga yer sotmoqchi boʻlgan shaxs DXX xodimlari tomonidan qoʻlga olindi, deb xabar beradi OʻzA.

Qayd etilishicha, 23-noyabr kuni Surxondaryoda DXX xodimlari tomonidan noqonuniy yer savdosiga chek qoʻyish uchun tezkor tadbir oʻtkazilgan. Bosh prokuratura huzuridagi departamentining Denov tuman boʻlimi bilan hamkorlikda oʻtkazilgan mazkur tezkor tadbirda 100 ming dollariga yer sotishni rejalashtirgan shaxs qoʻlga olingan.

Aniqlanishicha, Denov tumanida yashovchi, “Qoraxon Xalifa Denov” fermer xoʻjaligi raisi M.X. oʻzi rahbarlik qilayotgan fermer xoʻjaligiga tegishli boʻlgan 1 gerktar yer maydonini fuqaro I.Q.ga 100 ming dollarga sotishga kelishib, ushbu pullardan 20 ming dollarini olayotgan vaqtda ashyoviy dalillar bilan qoʻlga olingan.