2022-yilning 1-iyul holatiga koʻra, Oʻzbekistonning davlat qarzi 26 mlrd dollarni tashkil etishi maʼlum qilindi. Bu haqda Moliya vazirligi maʼlumot berdi.

Shundan 23,36 mlrd dollar mamlakatning tashqi qarzi, 2,77 mlrd dollar ichki qarzi hisoblanadi.

2022-yilda Oʻzbekiston davlat qarzi yalpi ichki mahsulotga nisbatan 35,1 foiz boʻlib, bu koʻrsatkich 2021-yil yakunida 38 foizni tashkil etgan.

Xalqaro valyuta jamgʻarmasining mamlakatlar iqtisodiyotiga bagʻishlangan hisobotida bugungi kunda Oʻzbekistonning davlat qarzi “moʻtadil” darajada deb baholangan.