“Xalqlar doʻstligi” maydonida “Muqaddasdir Vatan bayrogʻi!” shiori ostida tantanali bayram tadbiri oʻtkaziladi

Saqlash
09:11 / 17.11.2022 1180 0

18-noyabr kuni soat 11:00 da “Xalqlar doʻstligi” maydonida Oʻzbekiston Respublikasi Davlat bayrogʻi qabul qilinganiga 31 yil toʻlishi munosabati bilan “Muqaddasdir Vatan bayrogʻi!” shiori ostida tantanali bayram tadbiri oʻtkaziladi.

 

Respublika Maʼnaviyat va maʼrifat markazi tashkil etadigan tadbirda davlat va jamoat arboblari, taniqli shoir va yozuvchilar, madaniyat va sanʼat nomoyandalari, sportchilar, harbiylar, faol yoshlar, OAV vakillari ishtirok etadi.

 

Tadbir davomida Oʻzbekiston Respublikasi davlat bayrogʻi qabul qilingan kunning 31 yilligi munosabati oʻtkazilgan “Muqaddasdir Vatan bayrogʻi” mavzusidagi videoroliklar tanlovi hamda “Inson qadri uchun” turkumidagi videoroliklar tanlovi gʻoliblari taqdirlanishi kutilmoqda.

 

Shuningdek, tadbirda Vatanni madh etuvchi kuy va qoʻshiqlar ijro etilib, harbiylar ishtirokida chiqishlar namoyish etiladi.

 

Respublika Maʼnaviyat va maʼrifat markazi barcha yurtdoshlarimizni mamlakatimiz boʻylab oʻtkaziladigan “Muqaddasdir Vatan bayrogʻi!” shiori ostidagi tantanali bayram tadbirlariga taklif etadi.

Izoh yo‘q

Izoh qoldirish