Deputat Rasul Kusherbayev Buxorodagi maktabda oʻqituvchi dars payti boshlangʻich sinf oʻquvchilarini urayotgani aks etgan videoni eʼlon qildi.

Uning aytishicha, holat Buxoro shahridagi 4-maktabda yuz bergan. Videodan koʻrish mumkinki, voqea 14-noyabr kuni soat 09:07 larda 3-sinf oʻquvchilari oʻtirgan sinfda yuz bergan. Aftidan, partalar boʻylab yurib, ularni urayotgan oʻqituvchi bolalarning uy vazifasini tekshirayotgan boʻlgan.

Deputat Xalq taʼlimi vazirligi va boshqa idoralarni buni nazoratga olishga chaqirdi.