Bu haqda Tashqi ishlar vazirli Matbuot xizmati xabar berdi.

Keltirilishicha, 14-noyabr kuni Oʻzbekiston Respublikasi Prezidenti Administratsiyasi rahbari Sardor Umurzoqov ishtirokida Tashqi ishlar vazirligi Hayʼatining kengaytirilgan yigʻilishi boʻlib oʻtgan.

Majlisda Oʻzbekiston Respublikasi Prezidenti Administratsiyasi rahbari Oʻzbekiston Respublikasi Prezidentining PQ-420-son qarori bilan Tashqi ishlar vazirining birinchi oʻrinbosari lavozimiga tayinlangan Furqat Sidiqovni tanishtirgan.

Furqat Sidiqov esa bungacha Oʻzbekiston Respublikasi Tashqi ishlar vaziri oʻrinbosari lavozimida ishlagan.

Yigʻilishda, shuningdek, Oʻzbekiston Respublikasi Prezidentining PQ-421-son qaroriga muvofiq Oʻzbekiston Respublikasi Tashqi ishlar vazirining oʻrinbosari etib tayinlangan Bahrom Aʼloyev ham tanishtirilgan.

Aʼloyev bungacha Oʻzbekiston Respublikasining Kuvaytdagi Favqulodda va Muxtor Elchisi lavozimida ishlagan.