Aytishlaricha, internet-platformalar faoliyatini cheklash bilan bogʻliq kechagi voqea ortidan Bosh vazir maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshligʻi Olimjon Umarov hamda Axborot texnologiyalari va kommunikatsiyalarini rivojlantirish vaziri Shuhrat Sodiqov egallab turgan lavozimlaridan ozod etildi, deya xabar bermoqda “Nigoh” telegram kanali.

“Koʻrilayotgan choralarning keskinligi shuni koʻrsatmoqdaki, Prezident tartib va intizomni buzgan, masʼuliyatsizlik qilgan va oʻzboshimchalik bilan harakat qilgan har qanday amaldorni lavozimida ortiqcha ushlab oʻtirmaydi”, deya yozadi kanal mualliflari.