Energetika vazirligi matbuot xizmati ijtimoiy tarmoqlarda “Amirsoy”da elektr energiyasida uzilish boʻlgani toʻgʻrisida tarqalgan xabarlar yuzasidan munosabat bildirdi.

Qayd etilishicha, oromgohga hududiy elektr tarmoqlari korxonasi tomonidan elektr energiyasi uzluksiz yetkazib berilgan. Dor yoʻlining elektr qurilmasida nosozlik yuzaga kelishi oqibatida oromgohda elektr taʼminotida uzilish kuzatilgan.

“Olingan maʼlumotlarga koʻra, hozirgi paytda ushbu nosozlik oromgoh masʼullari tomonidan bartaraf etilib, dor yoʻli qayta ishga qoʻyilgan”, — deyiladi xabarda.