Oʻzbekiston togʻ qoʻriqxonalari va milliy tabiat bogʻlarida muhofaza ostiga olingan tasqara qushi otib oʻldirildi. Bu haqda Telegramʻdagi “Ekologuz” kanali xabar berdi.

Qayd etilishicha, ushbu qush SITESning II Ilovasiga, shuningdek, Oʻzbekiston “Qizil kitob”iga ham kiritilgan.

“Bu holat qachon va qayerda boʻlgani haqida toʻliq maʼlumot yoʻq. Ammo qilingan jinoyat uchun javob berishning erta-kechi boʻlmaydi. Oʻzbekiston Ekologiya va atrof-muhitni muhofaza qilish qoʻmitasi hamda Ichki ishlar vazirligidan shaxslarning kimligiga oydinlik kiritib holat yuzasidan rasmiy munosabat bildirishlarini soʻraymiz”, – deyiladi xabarda.