Boku “Katta Dubulgʻa” turniridan soʻng Xalqaro dzyudo federatsiyasi sportchilarning yangilangan reytingini eʼlon qildi.

Ahamiyatlisi, musobaqadagi gʻalabasi evaziga Oʻzbekiston terma jamoasi aʼzosi Diyora Keldiyorova -52 kg vazn toifasi peshqadamiga aylandi.

Qayd etish kerak, shu paytgacha hech bir oʻzbekistonlik dzyudochi qiz dunyo reytingida 1-oʻringa koʻtarilmagan edi.

Shu tariqa jahon tasnif jadvalini boshqarib borayotgan hamyurtlarimiz soni ikki nafarga yetdi. Bokudagi musobaqani oʻtkazib yuborgan boʻlsa-da, Davlat Bobonov (-90 kg) ham oʻz vazn toifasida karvonboshilik qilmoqda.