Avvalroq, Axborotlashtirish va telekommunikatsiyalar sohasida nazorat boʻyicha davlat inspeksiyasi («Oʻzkomnazorat») Telegram, YouTube, Instagram, Facebook, Odnoklassnikiʼning Oʻzbekistondagi faoliyatini cheklagani haqida xabar bergan edik.

Ushbu voqea ortidan «Oʻzkomnazorat» rahbari Gʻolibsher Ziyayev ishdan olindi. Prezident matbuot kotibining maʼlum qilishicha, davlat rahbari bundan xabar topgan, mazkur holat boʻyicha tergov olib boriladi.

«Prezident topshirigʻiga asosan Axborotlashtirish va telekommunikatsiyalar sohasida nazorat boʻyicha davlat inspeksiyasi boshligʻi Gʻolibsher Ziyayev notoʻgʻri va kelishilmagan xatti-harakatlari uchun egallab turgan vazifasidan chetlatildi, roʻy bergan holat yuzasidan tergov-surishtiruv harakatlari olib boriladi», deya maʼlum qilgan Prezident matbuot kotibi Sherzod Asadov.