“Xalqaro animatsiya kuni” munosabati bilan Qozog‘iston Respublikasi Turkiston shahrida 29-30-oktabr kunlari “AMEN-2021” (International Animation Film Festival) an’anaviy xalqaro animatsion filmlar festivali bo‘lib o‘tdi. Unda 49 ta davlat ishtirok etdi.

Mazkur festivalda yosh rejisyor Aziz  Muhammedovning “Gʻildirakli uy” animatsiyasi festivalning “Gran pri” bosh sovrinini qo‘lga kiritdi. “Sehrli tanbur” animatsiyasi esa “Eng yaxshi badiiy yechim” nominatsiyasi bo‘yicha mukofotlandi.

Ma’lumot uchun, mazkur festival 2019-yildan buyon o‘tkaziladi. Unda animatsion filmlar namoyishlari bilan birga, davra suhbatlari, ijodiy uchrashuvlar, mahorat darslari va ijodiy tanlovlar bo‘lib o‘tadi.